Səhifeyi Səccadiyyənin on yeddinci duası
 | |
| Mövzu | Şeytanın şərindən Allaha sığınmaqla bağlı olan dua |
|---|---|
| Məsumdan nəql olunub \ Məsumdan nəql olunmayıb | Məsumdan nəql olunub |
| Nəql olunub | İmam Səccad (ə) |
| Ravi | Mütəvəkkil ibn Harun |
| Şiə mənbələri | Səhifeyi Səccadiyyə |
Səhifeyi Səccadiyyənin on yeddinci duası, (ərəbcə: الدعاء السابع عشر من الصحيفة السجادية) İmam Səccaddan (ə) nəql olunan və şeytanın şərindən Allaha sığınmaqla bağlı olan dualardandır. İmam Səccad (ə) bu duada şeytanın müxtəlif düşmənçilik və hiylələrini bəyan edir və onun qəlbə daxil olmasının qarşısını alma yollarına işarə edir. İnsanın ilahi ibadətə laqeyd yanaşması nəticəsində zəlil olması, şeytanın vəsvəsəsindən qurtulmaq üçün ixlaslı bəndələrin məqamını istəmək və başqaları üçün xeyir arzulamaq bu duada bəhs edilən mövzulardandır.
Səhifə Səccadiyyənin on yeddinci duası Hüseyn Ənsarianın “Aşiqlər Diyarı” əsəri və Məhəmməd Həsən Məmduhi Kirmanşahinin "Şühud və Mərifət" əsəri kimi Səhifeyi Səccadiyyəyə yazılmış şərhlərdə fars dilində, Seyid Əli Xan Mədəninin “Riyazus-Salikin” əsərində isə ərəb dilində izah olunmuşdur.
Duanın təlimləri
Səhifeyi Səccadiyyənin on yeddinci duasının əsas mövzusu şeytanın vəsvəsələrinin şərindən Allaha sığınmaqdır. İmam Səccad (ə) bu duada şeytanın düşmənçilik və hiylələrinin müxtəlif növlərini bəyan edərək onun insanın qəlbinə nüfuz etməsinin və qərarlarına təsir göstərməsinin qarşısını almaq yollarına işarə edir.[1] On yeddinci duanın təlimləri 16 hissədə[2] aşağıdakı şəkildə açıqlanır:
- Şeytanın düşmənçilik və hiylələrindən Allaha sığınmaq
- Şeytanın vəsvəsələri vasitəsi ilə insanın ibadətdən uzaqlaşaraq alçalması
- Şeytanın pis əməlləri gözəl göstərməsi və yaxşı əməlləri nifrətamiz təqdim etməsi onun nüfuz yollarındandır
- Şeytanın vəsvəsəsindən qurtulmaq üçün ixlaslı bəndələrin məqamını istəmək
- Şeytanın nüfuz yolunu ixlaslı ibadətlə bağlamaq
- Şeytanın bizi aldatmaqdan ümidsiz qalmasını istəmək
- Şeytanın xar olması və ona qarşı çıxa bilmək üçün uğur diləmək
- Şeytanla dostluq edib onun vilayətini qəbul etməyin aqibətinin ilahi əzab olması
- İnsan qəlbinin şeytanın daxil olacağı məkan olması
- Qəflət yuxusundan oyanmaq üçün dua etmək
- Şeytana qarşı insanın sipəri dua və Allahdan kömək diləməkdir
- Digərləri üçün xeyirxahlıq istəmək (tovhid əhlini şeytanın şərindən qorumaq üçün dua etmək)
- Fərdin və cəmiyyətin islahı və fəsadı arasındakı əlaqə
- Şeytanın insanları azdırmaq üçün tamah və həris olması
- Şeytanın dostlarından uzaq olub, düşmənləri sırasında olmağı istəmək.
- Şeytanın planlarını puça çıxarmaq üçün Allahdan kömək diləmək
- Şeytanın ordusunun məğlub olması üçün dua etmək (ağıl və cəhalət orduları).[3]
Duaya yazılmış şərhlər
On yeddinci dua, Səhifeyi Səccadiyyəyə yazılmış şərhlərdə, o cümlədən, Hüseyn Ənsarianın “Aşiqlər Diyarı”,[4] Məhəmməd Həsən Məmduhi Kirmaşahinin “Şühud və Mərifət”,[5] və Seyid Əhməd Fəhrinin “Səhifeyi Səccadiyyənin şərhi və tərcüməsi”[6] adlı kitablarında fars dilində şərh edilmişdir.
Səhifeyi Səccadiyyənin on yeddinci duası, həmçinin Seyid Əli Xan Mədəniyə məxsus “Riyazus-Salikin”,[7] Məhəmməd Cavad Muğniyənin “Fi Zilalis-Səhifətis-Səccadiyyə”,[8] Məhəmməd ibn Məhəmməd Darabinin “Riyazul-Arifin”[9] və Seyid Məhəmməd Hüseyn Fəzlullahın “Afaqur-Ruh”[10] kimi ərəb dilində yazılmış kitablarında izah edilmişdir.
Bu duanın sözləri, həmçinin lüğəvi şərhlərdə, məsələn, Feyz Kaşaninin "Təliqat ələs-Səhifətis-Səccadiyyə"[11] və İzzəddin Cəzairinin “Şərhus-Səhifətis-Səccadiyyə”[12] əsərlərində izah olunmuşdur.
Səhifeyi Səccadiyyənin on yeddinci duasının mətni və tərcüməsi
İstinadlar
- ↑ Məmduhi, Şühur və şenaxt, h.ş 1388, c.2, s.120
- ↑ ترجمه و شرح دعای هفدهم صحیفه سجادیه, erfan.ir saytı
- ↑ Ənsariyan, Diyare aşiqan, h.ş 1373, c.6, s.21-98; Məmduhi, Şühur və şenaxt, h.ş 1388, c.2, s.120-164
- ↑ Ənsariyan, Diyare aşiqan, h.ş 1373, c.6, s.21-98
- ↑ Məmduhi, Şühud və şenaxt, h.ş 1388, c.2, s.120-164
- ↑ Fihri, Şərh və təfsire Səhifey-Səccadiyye, h.ş 1388, c.2, s.161-185
- ↑ Mədəni Şirazi, Riyazus-salikin, h.q 1435, c.3, s.171-218
- ↑ Muğniyə, Fi Zilalis-səhife, h.q 1428, s.227-238
- ↑ Darabi, Riyazul-arifin, h.ş 1379, s.213-223
- ↑ Fəzlullah, Afaqur-ruh, h.q 1420, c.1, s.389-412
- ↑ Feyz Kaşani, Təliqatun ələs-səhifətis-səccadiyyə, h.q 1407, s.43-45
- ↑ Cəzairi, Şərhus-səhifətis-səccadiyyə, h.q 1402, s.103-106
Ədəbiyyat
- Ənsariyan, Hüseyn, Diyare aşiqan, Tehran, Peyame azadi, h.ş 1372
- Darabi, Məhəmməd ibn Məhəmməd, Riyazul-arifin, Tehran, Üsvə nəşri, h.ş 1379
- Fəzlullah, Seyyid Məhəmməd Hüseyn, Afaqur-ruh, Beyrut, Darul-malik, h.q 1420
- Fehri, Seyyid Əhməd, Şərh və təfsire Səhifeyi-Səcadiyye, Tehran, Üsvə, h.ş 1388
- Feyz Kaşani, Məhəmməd ibn Mürtəza, Təliqatun ələs-səhifətis-səccadiyyə, Tehran, h.q 1407
- Mədəni Şirazi, Seyyid Əli Xan, Riyazus-salikin, Qum, İslami nəşr müəssisəsi, h.q 1435
- Muğniyə, Məhəmməd Cavad, Fi zilalis-səhife, Qum, Darul-kitabil-islami, h.q 1428
- Məmduhi Kermanşahi, Həsən, Şühud və şenaxt, Qum, Bustane kitab, h.ş 1388
- Cəzairi, İzzəddin, Şərhus-səhifətis-səccadiyyə, Beyrut, h.q 1402
Xarici keçid
- متن و صوت دعای هفدهم صحیفه سجادیه, Səhifeyi Səccadiyyənin on yeddinci duasının səsli formatı