Muxtar ibn Əbi Ubeyd Səqəfi: Redaktələr arasındakı fərq

Muxtar [[Aşura günü]] zindanda idi. Buna görə də o, [[Kərbəla|Kərbəlada]] olmayıb. Müslümün şəhadətindən sonra İbn Ziyad Muxtarı öldürmək niyyətində idi, lakin [[Əmr ibn Hüreys Məxzumi|Əmr ibn Hüreysin]] vasitəçiliyi ilə onu öldürməkdən çəkindi. Amma onu həbsə atdı. Muxtar Kərbəla hadisəsindən sonra da zindanda idi.[21] Kərbəla hadisəsindən sonra Muxtarın bacısı Səfiyyənin əri olan [[Abdullah ibn Ömər|Abdullah ibn Ömərin]],[22] [[Yezid ibn Müaviyə|Yezid ibn Müaviyənin]] yanında vasitəçilik etməsi ilə Muxtar azad olundu.[23] Əbdür-Rəzzaq Muqrəmin verdiyi xəbərə görə, [[Kərbəla əsirləri]] İbn Ziyadın məclisinə gətiriləndə İbn Ziyad da məhbus olan Muxtarı yanına çağırdı. Bu görüşdə Muxtarla İbn Ziyad arasında qarşılıqlı ağır sözlər söylənildi.[24] Bu xəbərə görə, Muxtar Abdullah ibn Əfifin şəhadətindən sonra həbsdən azad edildi; Amma Übeydullah ibn Ziyad onunla şərt kəsdi ki, Kufədə üç gündən artıq qalmasın. Abdullah ibn Əfifin şəhadətindən sonra Übeydullah bir xütbə oxudu və orada [[Əhli-beyt (ə)|Peyğəmbərin (s) ailəsinə]] hörmətsizlik etdi. Muxtar ona etiraz etdi və İbn Ziyad onu yenidən həbs etdi; Amma [[Abdullah ibn Ömər|Abdullah ibn Ömərin]] yenidən vasitəçilik etməsi ilə azad edildi.[25]

Muxtar Abdullah ibn Zübeyrə [[beyət]] etdi, bir şərtlə ki, işlərdə onunla məsləhətləşsin.[26] Yezidin ordusunun [[Məkkə|Məkkəyə]] hücumu və Abdullah ibn Zübeyrin mühasirəsiyə alınması zamanı Muxtar Abdullahla birlikdə, [[Yezid ibn Müaviyə|Yezidin]] ordusuna qarşı vuruşdu.[27] Yezid ibn Müaviyənin ölümündən sonra [[Abdullah ibn Zübeyr]] xilafət iddiası etdi. Muxtar da Kufəyə getdi və öz qiyamının hazırlıqlarına başladı.[28] İbn Zübeyr Abdullah ibn Mütini Kufə valiliyinə təyin etdi. Muxtar onunla vuruşdu və onu məğlub etdi.[29]