Məzmuna keç

Böyük Şeytan

wikishia saytından
Braziliyalı karikaturist: Əsər: Böyük şeytan - Carlos Latuff

Böyük Şeytan (farsca: شیطان بزرگ) ifadəsi, İmam Xomeyninin (r.ə) Tehrandakı ABŞ səfirliyinin ələ keçirilməsindən sonra etdiyi çıxışında Amerikaya nisbət verdiyi bir vəsfdir.[1] İmam Xomeyni (r.ə) bu bənzətməni bir rəvayətdən götürmüşdür ki, həmin rəvayətə görə, İslam Peyğəmbərinin (s) peyğəmbərliyə seçilməsindən sonra şeytanların böyüyü (İblis) onları ətrafına toplayaraq, insanların azdırılmasının çətinləşdiyini söyləmişdir.[2] Buna əsasən, İmam Xomeyninin (r.ə) baxışına görə, İran İslam İnqilabı dövründə də "Böyük Şeytan" olan ABŞ, daxili və xarici kiçik şeytanları ətrafına toplayaraq, səs-küy salır və iğtişaş yaradır.[3] Bu ifadənin, Quranda şeytanın xüsusiyyətləri əsasında əldə edildiyi deyilir. Çünki Quranda şeytan kafir,[4] insan düşməni,[5] təkəbbürlü,[6] ixtilaf salan,[7] etibarsız,[8] fasiq və fəsad törədən,[9] özünə tərəfdarlar yığan[10] və pis əməlləri gözəl göstərən[11] bir varlıq kimi vəsf edilir. İmam Xomeyninin fikrinə görə, ABŞ-ın siyasətində bu xüsusiyyətlərin hamısı açıq-aşkar görünməkdədir.

İmam Xomeyni (r.ə) dəfələrlə "Böyük Şeytan" ifadəsini işlətmişdir. O, bu ifadəni əxlaq, Quran və etiqad mövzularında İblis və ya nəfsin şər tərəfi mənasında, siyasi mövzularda isə ABŞ-ı təsvir etmək üçün istifadə etmişdir.[12] Həmçinin o, İslam dövlətlərinin sionist rejim qarşısında aciz qaldığı hallarla bağlı etdiyi çıxışında, bu rejimi "Kiçik Şeytan" adlandırmışdır.[13] Böyük şeytan ləqəbi, İran İslam Respublikasının ikinci rəhbəri Seyid Əli Xamenei tərəfindən də dəfələrlə işlədilmişdir.[14] Onun fikrincə, İblis bütün şeytanların rəhbəri olsa da, yalnız vəsvəsə edə bilir. ABŞ isə həm vəsvəsə edir, həm də qətl, qarət edir və fitnə törədir.[15]

Həmçinin "Böyük Şeytan" ifadəsi, ABŞ-ın siyasətlərinə nifrət ifadə etmək üçün keçirilən anti-Amerika yürüşlərində də şüar kimi istifadə olunur.[16]

İstinadlar

  1. ↑ Musəvi Xomeyni, Səhifeye imam, h.ş 1378, c.10, s.489
  2. ↑ Musəvi Xomeyni, Səhifeye imam, h.ş 1378, c.10, s.489
  3. ↑ Musəvi Xomeyni, Səhifeye imam, h.ş 1378, c.10, s.489
  4. ↑ Rəkabiyan, Məbaniye Qurani didqahhaye İmam Xomeyni dərbareye Amrika "Şeytane bozorq", s.94
  5. ↑ Rəkabiyan, Məbaniye Qurani didqahhaye İmam Xomeyni dərbareye Amrika "Şeytane bozorq", s.94-96
  6. ↑ Rəkabiyan, Məbaniye Qurani didqahhaye İmam Xomeyni dərbareye Amrika "Şeytane bozorq", s.96-98
  7. ↑ Rəkabiyan, Məbaniye Qurani didqahhaye İmam Xomeyni dərbareye Amrika "Şeytane bozorq", s.98
  8. ↑ Rəkabiyan, Məbaniye Qurani didqahhaye İmam Xomeyni dərbareye Amrika "Şeytane bozorq", s.98-99
  9. ↑ Rəkabiyan, Məbaniye Qurani didqahhaye İmam Xomeyni dərbareye Amrika "Şeytane bozorq", s.98-99
  10. ↑ Rəkabiyan, Məbaniye Qurani didqahhaye İmam Xomeyni dərbareye Amrika "Şeytane bozorq", s.100
  11. ↑ Rəkabiyan, Məbaniye Qurani didqahhaye İmam Xomeyni dərbareye Amrika "Şeytane bozorq", s.101
  12. ↑ Təvanayi və Rəfii, Vajeye Şeytan dər ədəbiyyate Quran İslami və kəlame İmam Xomeyni (r), s.62
  13. ↑ Musəvi Xomeyni, Səhifeye imam, h.ş 1378, c.10, s.265
  14. ↑ «فیش‌های شیطان بزرگ», farsi.khamenei.ir saytı
  15. ↑ «بیانات در دیدار اقشار مختلف مردم», farsi.khamenei.ir saytı
  16. ↑ «خداحافظ ای داغ بر دل نشسته», jamaran.news saytı; «طنین شعار "الله الله اکبر آمریکا شیطان الاکبر"در سراسر عراق», jamaran.news; ««التحریر» علیه امریکا», irannewspaper.ir saytı

Ədəbiyyat

Mənbə — "https://az.wikishia.net/w/index.php?title=Böyük_Şeytan&oldid=21762"