Həsən ibn Fəzl Təbərsi
| Tam adı | Həsən ibn Fəzl ibn Həsən Təbərsi |
|---|---|
| Tanınmış qohumlar | Əminul-İslam Təbərsi, Əli ibn Həsən Təbərsi |
| Ustadları | Şeyx Tusi |
| Əsərləri | Məkarimul-əxlaq |
Həsən ibn Fəzl Təbərsi (ərəbcə: الحسن بن الفضل الطبرسي) 6-cı qəməri əsrində İmamiyyənin hədis alimlərindən biri və Fəzl ibn Həsən Təbərsinin oğludur. O, Təbərsi sülaləsinin alimlərindəndir və şiənin ən məşhur əxlaqi əsərlərindən biri olan “Məkarimul-Əxlaq” kitabı onun yazdığı bir kitabdır.
Onun tərcümeyi-halı
Əbu Nəsr ləqəbli Həsən ibn Fəzl, Təbərsi nəslindəndir[1] və “Məcməul-Bəyan” təfsirinin müəllifi Fəzl bin Həsən Təbərsinin (hicri 548-ci ildə vəfat edib) oğludur. “Mişkatul-Ənvar” kitabının müəllifi Əli ibn Həsən Təbərsi, Həsən ibn Fəzlin oğludur.[2]
Həsən ibn Fəzl Təbərsinin həyatının təfərrüatları, eləcə də doğum və vəfat tarixi haqqında heç bir məlumat yoxdur.[3] O, atasının tələbələrindən sayılırdı[4] və “Cəvamiul-Cami” təfsirini atasının onun istəyi ilə yazdığı deyilir.[5] Təbərsi sözünün bu ailəyə aid edilməsinin səbəbi haqqında ixtilaf vardır; Bəziləri Təbərsini Təbris (ərəbcə Təfriş kəlməsinin dəyişdirilmiş halı),[6] bəziləri isə Təbəristana[7] aid etmişlər.
Onun əsərləri
Həsən ibn Fəzlin ən məşhur əsəri şiələr arasında ən mühüm əxlaqi əsərlərdən sayılan “Məkarimul-əxlaq” kitabıdır.[8] Həmçinin “Camiul-Əxbar” kitabı ona nisbət verilmişdir.[9] Lakin Seyid Möhsün Əmin və Cəfər Sübhani “Camiul-Əxbar” kitabının ona nisbət verilməsini qəbul etməmişlər.[10] Əbul-Qasim Gurci, “Cəvamiul-Cami” kitabının müqəddiməsində “Əsrarul-İmamət” kitabının ona aid edilməsindən danışmışdır.[11] Həsən ibn Fəzl Təbərsi, oğlu Əlinin nəql etdiyinə əsasən, “Məkarimul-Əxlaq” kitabının camaat tərəfindən rəğbətlə qarşılanmasından sonra “Camiun li sairil-əqval və Havin li məhasinil-əfal” kitabını yazmağa başlamış, lakin hələ onu bitirməmiş vəfat etmişdir.[12]
Təbərsi atasından bir sıra hədislər nəql etmişdir, Mühzibuddin Hüseyn ibn Əbul-Fərəc isə ondan nəql etmişdir.[13]
İstinadlar
- ↑ Təbərsi, Cəvamiul-came, h.ş 1377, c.1, Qorcinin müqəddiməsi, s.2
- ↑ Sübhani, Musuətu təbəqatil-füqəha, h.q 1418, c.6, s.77; Hüseyni Cəlali, Fehresut-turas, h.q 1422, c.1, s.566
- ↑ Təbərsi, Cəvamiul-came, h.ş 1377, c.1, Qorcinin müqəddiməsi, s.9
- ↑ Təbərsi, Cəvamiul-came, h.ş 1377, c.1, Qorcinin müqəddiməsi, s.2
- ↑ Təbərsi, Cəvamiul-came, h.ş 1377, c.1, s.2
- ↑ Təbərsi, Cəvamiul-came, h.ş 1377, c.1, Qorcinin müqəddiməsi, s.2; Əmin, Əyanuş-şiə, h.q 1406, c.3, s.29
- ↑ Müdərris Təbrizi, Reyhanətul-ədəb, h.ş 1369, c.4, s.32-33
- ↑ Əmin, Əyanuş-şiə, h.q 1406, c.1, s.158
- ↑ Hürr Amili, Əməlul-Amil, h.q 1385, c.2, s.75
- ↑ Əmin, Əyanuş-şiə, h.q 1406, c.5, s.225-226; Sübhani, Musuətu təbəqatil-füqəha, h.q 1418, c.6, s.77
- ↑ Təbərsi, Cəvamiul-came, h.ş 1377, c.1, Qorcinin müqəddiməsi, s.9
- ↑ Təbərsi, Mişkatul-ənvar, h.q 1385, s.1
- ↑ Hürr Amili, Əməlul-Amil, h.q 1385, c.2, s.93; Sübhani, Musuətu təbəqatil-füqəha, h.q 1418, c.6, s.76
Ədəbiyyat
- Əmin, Seyyid Möhsin, Əyanuş-şiə, Beyrut, h.q 1406
- Hürr Amili, Məhəmməd ibn Həsən, Əməlul-Amil, Bağdad, Məktəbətul-əndəlus, h.q 1385
- Hüseyni Cəlali, Seyyid Məhəmməd Hüseyn, Fehresut-turas, Qum, h.q 1422
- Sübhani, Cəfər, Musuətu təbəqatil-füqəha, Qum, İmam Sadiq (ə) müəssisəsi, h.q 1418
- Təbərsi, Fəzl ibn Həsən, Cəvamiul-came, Düzəliş: Əbül-Qasim Qorci, Qum və Tehran, h.ş 1377
- Müdərris Təbrizi, Məhəmməd Əli, Reyhanətul-ədəb, Tehran, h.ş 1369