Həzrət Abbas (ə): Redaktələr arasındakı fərq

Məhəmməd Hüseyn Müzəffərin yazdığına əsasən, əksər tarixçilərin nəzəri budur ki, həzrət Abbas (ə) Məhərrəm ayının 10-cu günü şəhid olmuşdur. Müzəffər iki digər nəzəriyyəyə də işarə edir ki, Məhərrəm ayının yeddinci və ya doqquzuncu günü şəhid olduğu bildirir, lakin onları zəif və yaxud nadir nəzəriyyə sayır.<br>

Həzrət Abbasın (ə), Aşura günü döyüşləri və necə şəhid olması haqqında müxtəlif rəvayətlər nəql olunmuşdur.  Bəzi mənbələrin yazığına əsasən, Bəni Haşim və imam Hüseynin (ə) səhabələrinin ən sonuncusu şəhid olana qədər Abbas (ə) meydana getməmişdir. <br>

Şeyx Mofidin fikrincə, İmam Hüseyn (ə) və Abbas birlikdə döyüş meydanına getdilər, amma Ömər ibni Sədin qoşunu onlarin ikisinin arasında fasilə saldı. İmam Hüseyn (ə) yaralanaraq xeyməyə qaytdı, Abbas isə tək başına ağır yaralanıb döyüş gücünü itirənədək döyüşdü. Bu zaman Zeyd ibni Vərqa Hənəfi və Hükəym ibni Tufeyl Sinbisi onu şəhid etdilər.  Şeyx Mofid bu hadisənin digər təfərrüatlarına işarə etməmişdir. Məqtəli Əbi Müxənnəfdə də həzrət Abbasın şəhadətinin təfərrüatlarına işarə olunmammışdır.  Məşhur olmayan Nahiyə ziyarətnaməsində,  Yezid ibni Vəqqad və Həkim ibni Tufəyl Əl-Tai, həzrət Abbası qatilləri olaraq bildirilmişdir.<br>

Digər mənbələrə əsasən, bütün Bəni Haşim ailəsi və səhabələr şəhid olduqdan sonra, Abbas xeymələrə su gətirməyə səy göstərmişdir. O, Fərat çayına tərəf hücum edərək, mühafizəçilər arasından özünü Fərat çayına çatdırdı. Qayıtdığı zaman, düşmən ona həmlə etdi. O, xurma bağlarında düşmənlə döyüşüb xeymələrə doğru hərəkət edirdi, bu zaman Zeyd ibni Vərqa Cəhəni bir xurma ağacı arxasından çıxaraq, onun sağ qoluna zərbə endirdi. Abbas qılıncını sol əlinə alıb düşmənlə döyüşə davam etdi. Digər bir ağac arxasında özünü gizlədən Həkim ibni Tufeyl Tai, onun sol qoluna zərbə vurdu sonra isə dəmir parçası ilə həzrətin başına zərbə endirib, onu şəhid etdilər. <br>

Xarəzminin yazdığı xəbərə əsasən, Abbas şəhid olduğu zaman, imam Hüseyn (ə) özünü qrdaşının cansız bədəninə çatdırıb şiddətlə ağlayaraq dedi: “اَلآنَ اِنکَسَرَ ظَهری وَ قَلَّت حیلَتی” İndi belim qırıldı, ümdüm kəsildi.  Bunun üçün də Xarəzmi, Abbası döyüş meydanına gedən sonuncu şəxs bilmir.