Nəim Qasim

Nəim Qasim

Livan Hizbullahının rəhbərlərindən
Vəzifəsi	Ruhani - Siyasətçi / Livan Hizbullahının rəhbəri
Dini	İslam
Məzhəbi	Şiə
Doğum günü	m.1953
Doğulduğu şəhər	Kfar Fila / Livan
Əsərləri	"Səbilullah" - "Əl-Quran mənhəcul-hidayət" - "Müctəməül-Müqavimət" "Əl-Mehdil-müxəllis" (Xilaskar Mehdi) - "Əş-şabbu şolətun tuhriqu əv təziu" - "Qissəti məəl-hicab"
Rəsmi internet saytı	https://naimkassem.com.lb/index.php

Nəim Qasim, Şeyx Nəim Qasim (ərəbcə: الشيخ نعيم قاسم) (doğum: 1953-cü il) kimi tanınır və Livan Hizbullahının dördüncü baş katibidir.

O, Seyid Abbas Musəvi və Seyid Həsən Nəsrullahın baş katibliyi dövründə baş katibin müavini olmuş və Seyid Həsən Nəsrullahın şəhadətindən sonra Hizbullahın dördüncü baş katibi seçilmişdir. Nəim Qasim, "Əməl" hərəkatının üzvü olub və İmam Musa Sədr ilə birlikdə "Hərəkətul-Məhrumin" təşkilatının qurulmasında iştirak edib. O, həmçinin Livan Hizbullahının təsisçilərindən biri olmuş və 1991-ci ildən bu yana təşkilatın baş katibinin müavini vəzifəsini icra edib.

Nəim Qasim Hizbullahın Parlament Şurasının rəhbəri və Livan hökumətində Hizbullahla yaxın olan nazirlərin koordinasiyasına məsul şəxsdir. O, vilayəti-fəqih nəzəriyyəsinə inanır və çoxlu əsərlərinin ikisini İran İslam Respublikasının rəhbərləri İmam Xomeyni (r.ə) və Seyid Əli Xamenei haqqında yazmışdır.

Bioqrafiyası

Nəim Qasim 1953-cü ildə Livanın cənubundakı Nəbtiyyə əyalətində yerləşən Kəfərfila kəndində anadan olmuşdur. O, fransız dilini mükəmməl bilir. 1970-ci ildə Livan Universitetindən kimya üzrə bakalavr dərəcəsi almış və dini elmlərdə Seyid Məhəmmədhüseyn Fəzlullahın tələbəsi olmuşdur.

Hizbullahın baş katibliyi

Livan Hizbullahı, 29 oktyabr 2024-cü ildə, Hizbullahın üçüncü baş katibi Seyid Həsən Nəsrullahın şəhadətindən təxminən bir ay sonra, Nəim Qasimin Hizbullahın baş katibi seçildiyini elan etdi. Nəim Qasim bundan əvvəl Livan Hizbullahının Parlament Şurasının rəhbəri və Livan hökumətində Hizbullaha yaxın nazirlərin koordinasiyasına cavabdeh şəxs idi.

O, 1982-ci ildə Seyid Abbas Musəvi, Subhi Tufeyli, Məhəmməd Yəzbik, İbrahim Əmin Əs-Seyid və Seyid Həsən Nəsrullah ilə birlikdə Livan Hizbullahının qurulmasında iştirak etmiş və 1991-ci ildən etibarən Livan Hizbullahının baş katibinin müavini olmuşdur.

Hərəkətul-Məhrumin təşkilatının təsisində rolu

Nəim Qasim 1970-ci illərdə İmam Musa Sədrin rəhbərlik etdiyi "Əməl" hərəkatında siyasi fəaliyyətə başlamış və özünün dediyinə görə, Hərəkətul-Məhruminin təsisində də rol oynamışdır. O, həmçinin "Əməl" hərəkatının mədəni işlər üzrə müavini olub və Seyid Musa Sədrin itkin düşməsindən sonra "Əməl" hərəkatından ayrılmışdır.

Vilayəti-fəqih inancı və İranla əlaqəsi

Nəim Qasimin Ayətullah Xameneini ziyarət etməsi

Nəim Qasimin şəxsi saytında qeyd edildiyi kimi, o, vilayəti-fəqih nəzəriyyəsinə və bunun nəticəsi olaraq, İmam Xomeynidən (r.ə) sonra Seyid Əli Xameneinin vilayətinə inanır və İran İslam Respublikasının hər iki rəhbəri haqqında kitab yazmışdır.

İran İslam Respublikasının Rəhbəri Seyid Əli Xameneinin xəstəxanada müalicə olunduğu zaman, "Fələstin müqavimətinə dəstək məqsədilə İslam alimlərinin konfransı"nda iştirak etmək üçün İrana səfər edən Şeyx Nəim Qasim, bir qrup müsəlman alimlə birlikdə ona baş çəkmişdir.

Bundan əlavə, Nəim Qasim, İranın bir çox tədbirlərində, o cümlədən Ümumdünya Əhli-Beyt Cəmiyyətində, Məzhəblərin Yaxınlaşdırılması Assambleyasında, İslam Vəhdəti Konfranslarında və Dünya Qüds Gününə dair konfranslarda iştirak etmişdir.

Şeyx Nəim Qasimin əsərləri

Şeyx Nəim Qasim mədəni hüquqlar, qadınların vəziyyəti, müəllimlərin vəziyyəti, şagirdlərin vəziyyəti, kişilərin və qadınların hüquqları, valideynlərin övladlara qarşı vəzifələri və s. mövzularda əsərlər yazmışdır. O, "Əl-İmamul-Xomeyni (r.ə) bəynəl-əsaləti vət-təcdid" adlı kitabını İmam Xomeyni (r.ə), "Əl-Vəliyyül-Mücəddid" adlı kitabını isə Ayətullah Xamenei haqqında yazmışdır.

Eyni zamanda onun məşhur əsərlərindən biri olan " Livan Hizbullahı; siyasəti, keçmişi və gələcəyi" adlı kitabı 2002-ci ildə yazılmış və indiyədək fars, ingilis, fransız, türk, urdu və indoneziya dillərinə tərcümə edilmişdir.

Hizbullah kitabının üz cildi

Onun digər əsərləri bunlardır:

• "Səbilullah" (Allah yolu)
• "Əl-Quran mənhəcul-hidayət" (Quran hidayət metodudur)
• "Müctəməül-Müqavimət" (Müqavimət cəmiyyəti)
• "Əl-Mehdil-müxəllis" (Xilaskar Mehdi)
• "Əş-şabbu şolətun tuhriqu əv təziu" (Gənc, ya yanar, ya işıq saçar"
• "Qissəti məəl-hicab" (Hicab ilə bağlı hekayəm)
• "Səbilukə ila məkarimil-əxlaq" (Əxlaqın zirvəsinə çatmaq üçün yolun)
• "Hizbullah... əl-mənhəc... ət-təcrübə... əl-müstəqbəl" (Hizbullah... metod... təcrübə... gələcək)
• "Fi rihabi risalətil-hüquq" (Hüquq risaləsinin əhatəsində"
• "Şərhu risaləti hüquqi İmam Zeynül-abidin (ə)" (İmam Zeynül-Abidinin (ə) "Hüquq Risaləsi"nin şərhi)
• "Hüququn-nas" İnsanların hüquqları"
• "Əl-hüququs-səlasə" (Üç hüquq)
• "Hüququl-müəllim vəl-mütəəllim" (Müəllim və şagirdin hüquqları)
• "Hüquqquz-zövc vəz-zövcə" (Ər və arvadın hüquqları)
• "Hüququl-əfal" (Əməllərin hüquqları)
• "Hüququl-valideyn vəl-vələd" (Valideynlərin və övladın hüquqları)
• "Hüququl-cəvarih" (Bədən üzvlərinin hüquqları)
• "Aşura mədəd və həyat (Aşura, ilham və həyat)
• "Məalimun lil-həyat min nəhci Əmirəl-möminin (ə)" (Əmirəl-möminin (ə) baxışından həyat dərsləri).