İstixarə: Redaktələr arasındakı fərq

*Şəhidi-əvvəl “Zikra” kitabında bildirir ki, [[Həmd surəsi|“Həmd” surəsini]] (ən azı üç, olmasa bir dəfə), [[Qədr surəsi|“Qədr” surəsini]] on dəfə oxuduqdan və həmçinin, xüsusi bir [[dua]] oxuduqdan sonra bir təsbeh və ya bir neçə çınqılı (kiçik daş parçalarını) ayırıb iki-iki sayırıq. Əgər qalan cüt ədəd olsa, nəzərdə tutduğumuz işi görürük və tək ədəd olsa, onu tərk edirik və ya əksinə.

*Təsbehlə başqa bir istixarə isə “[[Məfatihul-cinan (kitab)|Məfatihul-cinan]]”da Məhəmməd Həsən Nəcəfi tərəfindən nəql olunub. Bu istixarə üsulu onun dövründə geniş yayılıbmış (“Cəvahir”in müəllifinin fikrincə isə çox güman ki, [[İmam Mehdi (ə.f)|İmam Mehdiyə (ə)]] aiddir). O, belədir: Quran və dua oxuduqdan sonra bir təsbeh götürüb onu səkkiz-səkkiz azaldırsan. Əgər biri qalsa, ümumiyyətlə yaxşıdır, ikisi qalsa, bir qadağa, üçü qalsa, etmək və etməmək bərabərdir, dördü qalsa iki qadağa, beşi qalsa, bəziləri o işdə çətinlik və əzab, bəziləri isə qınaq olduğunu deyiblər. Altı qalsa, çox yaxşıdır və bunu etməyə tələsmək lazımdır. Əgər yeddi qalsa, beş qalmış kimidir. Səkkiz qalsa, dörd qadağa var. “Cəvahir”in müəllifi bu istixarəni nəql etdikdən sonra qeyd edir ki, biz köhnə və yeni kitablarda bu istixarənin əlamətinə rast gəlmədik. Necə ki, bunu bəzi alimlərimiz də deyiblər.

[[Şəhid Əvvəl|Şəhidi-əvvəlin]] dediyinə görə, ədəd (təsbeh və ya daş parçası) ilə istixarənin sənədi Rəziəddin Abiyə çatır. Əlbəttə, Seyid ibn Tavus onun sənədini [[Şiə imamları|şiə imamlarına]] aid edir. “Cəvahir”in müəllifinin (h. q. 1202-1266) sözlərinə görə isə onun zamanında alimlər bu şəkildə istixarə edirmişlər.

*[[Seyyid Musa Şübeyri|Seyid Musa Şübeyri]] Seyid Əli Şüştəri vasitəsilə İmam Mehdiyə (ə) aid edilən bir istixarə nəql edib. Belə ki, “Bismillah”, üç salavat və bir dua oxunur, sonra təsbeh götürülür, iki-iki sayılır. Biri qalsa yaxşıdır, ikisi qalsa pisdir.

[[Şeyx Abbas Qumi|Şeyx Abbas Quminin]] yazdığı “Məfatihul-cinan” kitabında istixarənin bəzi üsulları qeyd olunub.