Həzrət Abbas (ə): Redaktələr arasındakı fərq

Abbas ibni Əlinin Kərbəla hadisəsində olması, onun hayatının ən önəmli məqamlarından biri sayılır və onun Kərbəla hadisəsində olan bu rolu Şiə üçün böyük əhəmiyyət daşıyır. Abbası, imam Hüseyn (ə) qiyamının ən mühüm şəxsiyyətlərindən bilirlər.  Bütün bunlara baxmayaraq, xüsusi şəkildə həzrət Abbas haqqında yazılmış bir çox kitablarda, tarixi və yaxud rəvayi xəbərlərdə, imam Hüseynin (ə) hicri qəməri tarixi ilə 61-ci ilin Məhərrəm ayından öncə, Mədinədən Məkkəyə sonra isə Məkkədən Küfəyə qədər hərəkəti zamanında, Abbas haqqında heç bir məlumat yoxdur.  

“Xətibi Kəbə” kitabının müəllifi, bir xütbəni həzrət Abbasa nisbət vermiş  və onun sənədini “Mənaqibi sadətəl kiram” kitabına istinad edərək təkid edir ki, bu kitabı görməmişdir.  Bu xəbərə əsasən həzrət Abbas Zil-hiccə ayının səggizinci günü, Kəbə evinin üstündə xütbə etmiş və bu söhbətində imam Hüseynin (ə) məqamına işarə edərək, Yezidi şərab içən şəxs olaraq tanıtdırmış və insanları onunla beyət etməsinə görə tənqid etmişdir. O, bu çıxışı əsnasında bildirir, nə qədər ki, o həyatdadır, icazə verməyəcək bir kimsə imam Hüseyni (ə) şəhid etsin, imamın şəhadəti yalnız Abbası öldürdükdən sonra hayata keçə bilər.  Cuya Cahanbəxş, məqalələrindən birində, bu xütbəni ədəbi baxımdan intiqad edərək, onun müəllifinin və kitabın tanınmayan bir şəxs tərəfindən yazıldığını bildirərək, onu rədd edib təkid edir ki, bu macəra digər mənbələrdə də gəlməmişdir.  

Həzrət Abbas (s) Aşura günü, imam Hüseyn (ə) qoşununun ələmdarı idi. İmam (ə) Aşuranın sübh vaxtında bu məqamı ona həvalə etdi.  Bəzi məlumatlara əsasən, imam, Abbası meydana göndərmək üçün çağırdığında, onun ələmdar olduğunu ona xatırladır.  

Tarixi mənbələrə əsasən, o vaxt ki, düşmən suyu imam Hüseyn (ə) karvanının üzünə bağladı və susuzluq imamın əshab və ailəsini əldən saldı, imam, Abbası otuz atlı və igirmi piyadə döyüşçü ilə, igirmi su müşkiylə Fərat çayından su gətirməyə gondərdi. Onlar gecənin qaranlığından istifadə edərək Fərat çayına yaxınlaşdılar, lakin Ömər ibni Həccac və onun adamları, olanların su götürmələrinə mane olmaq istəsələr də Abbas (ə) və onunla birlikdə olanlar, onları uzaqlaşıdıraraq, özlərini Fərat çayına şatdırıb müşklərini su ilə doldurdular. Fərat çayından qayıtdıqları zaman, Ömər ibni Həccac və qoşunu, onlara hucum etdilər. Abbas (ə) və digər atlı əsgərlər onların qarşısını aldılar, piyada dəstə isə suyu xeymələrə çatdırdı.   

Şimr ibni Zil-Cövşən, imam Hüeynlə (ə) döyüş və ya onun təslim olması naməsini ibni Ziyaddan alıb qəsrdən çıxarkən, Ümmül-Bəninin qardaşı oğlu və Şimrin köməkçilərindən olan Əbdullah ibni Əbi Məhəl, öz bibisi uşaqları, Abbas və onun qardaşları üçün Ubeydullah ibni Ziyaddan əmannamə alıb öz xadimi vasitəsilə imam Hüseyn (ə) xeyməgahına, Ümmül-Bənin övladlarına göndərdi. Onun elçisi Abbas və onun qardaşlarının hüzuruna çatdıqda dedi: Bu əmannaməni dayınız sizin üçün göndərib. Onlar cavabında dedilər: Dayımıza salamımızı çatdır və ona de bizim onun əmannaməsinə ehtiyacımız yoxdur, amma Allah bizim üçün ibni Süməyyənin əmannaməsindən daha üstündür.  

İbni Əsəm (vəfat 316 h.q) bir xəbərdə bu cür nəql edir: Şimr, Ümmül-Bənin övladlarını səslədikdə, Hüseyn (ə) qaradaşlarına dedi: Ona cavab verin baxmayaraq ki, fasiqdir, amma o sizin dayınız sayılır. Həzrət Abbas (ə) və qardaşları Şimrə dedilər: Nə istıyirsən? Şimr dedi: Ey bacım uşaqları! Siz amandasız. Özünüzü Hüseynlə ölümə aparmayın və əmirəl-möminin Yezidə itaət edin. Bu zaman Abbas ibni Əli dedi: Ölüm olsun sənə ey Şimr! Alah sənə də əmannamənə də lənət etsin; ey Allahın düşməni! Bizə deyirsən qardaşımızdan əl şəkib düşmənə itaət edək?! <br>

Bir xəbərə əsasən ki, (Əbu Hənifə 157 h.q); (Təbəri 310 h.q); (İbni Əsir 630 h.q) nəql edirlər: Həzrət Abbas, Aşura gününün əsr vaxtında, anadan bir olan qardaşları Abdullah, Cəfər və Osmana dedi: Ey anam balaları, gedin meydana ki, mən sizdən irs aparım, çünki sizin övladınız yoxdur, odur ki, onlar da bunu edib, şəhid oldular.  

Amma bu xəbər, bəzilərinin fikrincə yalnışdır, çünki o şəraitdə Abbas (ə) da bilirdi öldürüləcək və irs istəmək mənasız idi.  Bundan əlavə, bu xəbər irs qanunu ilə də müxalifdir, çünki Ümmül-Bəni hayatda olduğu üçün və Abbasın qardaşlarının heç birinin ailə-uşağı olmadğı halda, irs həzrət Abbasa deyil, bəlkə Ümmül-Bənin özü övladlarının varisi olacaqdır.