Təvasin
Təvasin (ərəbcə: الطواسين) adı, "ta sin mim" ilə başlayan "Şüəra" və "Qəsəs" surələri, eləcə də, "ta sin" ilə başlayan "Nəml" surəsi üçün işlədilir.[1] "Təvasin" surələrinin tilavətinin fəziləti haqqında Şeyx Səduq "Səvabul-Əmal" əsərində İmam Sadiqdən (ə) belə nəql edir: "Hər kəs cümə gecəsi "Təvasin" surələrini oxusa, Allahın övliyalarından olar və Onun civarında, himayəsi və lütfü altında yerləşər. Dünyada ona heç bir çətinlik üz verməz, axirətdə isə Allah ona behiştdən o qədər bəxş edər ki, razı qalar. Hətta razılığından da artıq verilər və Allah onu yüz huri ilə evləndirər".[2] Başqa bir rəvayətdə İmam Sadiq (ə) əlavə edərək buyurur ki, hər kəs "Təvasin" surələrini oxusa, Allah onu "Ədn" cənnətində peyğəmbərlər, mürsəllər və onların vəsiləri ilə birlikdə qərar verər.[3] Həmçinin Əllamə Hilli bildirir ki, "Təvasin" surələrinin, xüsusilə cümə gecəsi oxunması müstəhəbdir.[4]
İstinadlar
Ədəbiyyat
- Hürr Amili, Məhəmməd ibn Həsən, Vəsailuş-şiə, Qum, Alul-beyt müəssisəsi, h.q 1414
- Əllamə Hilli, Həsən ibn Yusif, Təzkirətul-füqəha, Qum, Alul-beyt müəssisəsi, h.q 1414
- Hüveyzi, Əbdu Əli ibn Cümə, Nurus-səqəleyn, Düzəliş: Haşim Rəsuli, Qum, İsmailiyyan, 4-cü çap, h.q 1415
- Ramyar, Mahmud, Tarixe Quran, Tehran, Əmir Kəbir nəşriyyatı, h.ş 1387