Məzmuna keç

İslam Məzhəblərinin Yaxınlaşdırılması üzrə Dünya Assambleyası

wikishia saytından
İslam Məzhəblərinin Yaxınlaşdırılması üzrə Dünya Assambleyası
Təsis olunub1990
YaradanSeyyid Əli Hüseyni Xamenei
BağlıDövlətə bağlı olmayan idarə
Yanaşımıİslam məzhəblərinin yaxınlaşması
Fəaliyyət növüTəhsil, araşdırma və təbliğ
Fəaliyyət sahəsiİslam dünyası
Hədəfləriİslam məarifinin yayılması, Quranı və Peyğəmbərin (s) sünnətinin müdafiə olunması, İslam dünyasının məzhəblərinin alimləri ilə tanışlıq və fikir mübadiləsi aparmaq, İslam məzhəblərinin tərəfdarları arasında şübhələri aradan aparmaq
FəaliyyətləriBeynəlxalq yaxınlaşmaya aid konfrans və məclislərin keçirilməsi, kitabların, disklərin, jurnalların və qəzetlərin nəşr olunması
MəkanTehran
Baş katibHəmid Şəhriyari
VəziyyətAktiv vəziyyətdə
Fəaliyyət diliBeynəlxalq
Bağlı mərkəzlərİslam məzhəbləri universiteti, Yaxınlaşma mütaliə araşdırma mərkəzi, Təqrib xəbər agentliyi
ƏsərlərRisalətut-təqrib jurnalları, Risalətul-İslam, Səqafətut-təqrib...
ƏlaqəliVəhdət həftəsi, Əhli-Beyt Ümumdünya Assambleyası
Saythttp://www.taghrib.org


İslam Məzhəblərinin Yaxınlaşdırılması üzrə Dünya Assambleyası (ərəbcə: المجمع العالمي للتقريب بين المذاهب الإسلامية) İslam dünyasının dini alimlərindən ibarət olan qeyri‑hökumət təşkilatıdır və məqsədi İslam məzhəbləri arasında yaxınlaşmanı yaratmaq üçün çalışmaqdır. Bu qurum şəmsi təqvimi ilə 1369‑cu ildə (1990) İran İslam İnqilabının Rəhbəri Ayətullah Xameneinin göstərişi ilə təsis edilmişdir.

Assambleya üç əsas strukturdan ibarətdir: Ümumi Məclis, Ali Şura və Baş katib. Ali Şura üzvləri və baş katib İran İslam İnqilabının Ali Rəhbəri tərəfindən təyin olunur. Təşkilatın mərkəzi İranda yerləşir və hazırda onun baş katibi Həmid Şəhriyaridir.

Təsis

Şəmsi təqvimi ilə 1369‑cu ildə (1990), Tehran şəhərində İslam Təbliğat Təşkilatının təşəbbüsü və İslam dünyasının bir dəstə mütəfəkkirinin iştirakı ilə keçirilən dördüncü İslam Vəhdəti Konfransından sonra, İran İslam İnqilabının Ali Rəhbəri Ayətullah Xameneinin göstərişi ilə İslam Məzhəblərinin Yaxınlaşdırılması üzrə Dünya Assambleyası rəsmi şəkildə yaradıldı.[1]

Məqsədlər

Məzhəblərinin Yaxınlaşdırılması üzrə Dünya Assambleyasının rəsmi saytında qeyd olunan məqsədlər bunlardır:

  1. İslam mədəniyyəti və maarifinin dirçəldilməsi və genişləndirilməsi, Quran və Peyğəmbər (s) sünnəsinin müdafiəsi
  2. İslam dünyasının alimləri, mütəfəkkirləri və məzhəb liderləri arasında etiqadi, fiqhi, ictimai və siyasi sahələrdə daha çox tanışlıq və anlaşma yaratmaq
  3. Yaxınlaşma düşüncəsini İslam dünyasının ziyalıları və mütəfəkkirləri arasında yaymaq və bu fikri müsəlman kütlələrinə çatdırmaq, onları düşmənlərin təfriqə planlarından agah etmək
  4. İslam məzhəblərində ictihad və istinbat prinsipinin möhkəmləndirilməsi və yayılması
  5. İslam düşmənlərinin təbliğat və mədəni hücumları qarşısında İslamın qəti prinsipləri əsasında vahid cəbhə yaratmaq
  6. İslam məzhəblərinin ardıcılları arasında mövcud olan bədgümanlıqları və şübhələri aradan qaldırmaq.[2]

Struktur

İslam Məzhəblərinin Yaxınlaşdırılması üzrə Dünya Assambleyasının əsas orqanları bunlardır:

Ümumi Məclis

Ümumi Məclisin üzvləri Ali Şura tərəfindən, İslam məzhəblərinin yaxınlaşması ideyasına tərəfdar olan dünya alimləri və mütəfəkkirləri arasından altı illik müddətə seçilir.[3] Ümumi Məclis aşağıdakı komitələrə malikdir: Müsəlman azlıqlar komitəsi, Təbliğat komitəsi, İslam ümmətinin qarşısındakı problemlər komitəsi, Qadınlar və onların məzhəblərin yaxınlaşdırılmasındakı rolu komitəsi.[4]

Ali Şura

İslam Məzhəblərinin Yaxınlaşdırılması üzrə Dünya Assambleyasının Ali Şura üzvləri İran İslam İnqilabının rəhbəri tərəfindən, İslam məzhəblərinin alimləri, mütəfəkkirləri və tanınmış şəxsləri arasından altı illik müddətə təyin olunur.[5]

Ali Şuranın üzvləri

Ali Şuranın üzvləri aşağıdakılardır:

  1. Möhsin Əraki (İran)
  2. Məhəmməd İshaq Mədəni (İran)
  3. Əbdülhadi Avəng (Malayziya)
  4. Əhməd Məhəmməd əş‑Şami (Yəmən)
  5. Əbdülkərim Bi‑Azar Şirazi (İran)
  6. Seyid Həsən Rəbbani (İran)
  7. Əhməd bin Həmd əl‑Xəlili (Oman)
  8. Əbdürrəhim Əli (Sudan)
  9. Məhəmməd Səlim əl‑Ava (Misir)
  10. Məhəmməd Həsən Əxtəri (İran)
  11. Mahmud Məhəmmədi İraqi (İran)
  12. Seyid Sacid Əli Nəqəvi (Pakistan)
  13. Məhəmməd əl‑Asi (ABŞ) – sədr müavini
  14. Seyid Musa Musəvi (İran)
  15. Möhsün Qumi (İran)
  16. Məhəmməd Baqir Xorrəmşad (İran)
  17. Nəzir Əhməd Salami (İran)
  18. Əbdürrəhman Xudai (İran)[6]

Əlbəttə, İslam Məzhəblərinin Yaxınlaşdırılması üzrə Dünya Assambleyasının Ali Şurasının bəzi üzvləri, o cümlədən Məhəmmədəli Təsxiri, Məhəmməd Vaezzadə Xorasani, Məhəmməd Asəf Möhsini və Abbasəli Süleymani artıq dünyasını dəyişmişdir.

Baş katib

Baş katib — Assambleyanın ən yüksək icraedici məsuludur və Ali Şuranın təklifi ilə İran İslam İnqilabının Rəhbəri tərəfindən dörd il müddətinə təyin olunur. Məhəmməd Vaezzadə Xorasanı[7] (şəmsi təqvimi ilə 1369–1380), Məhəmmədəli Təsxiri[8] (şəmsi təqvimi ilə 1380–1391) və Möhsin Əraki (şəmsi təqvmi ilə 1391–1398) İslam Məzhəblərinin Yaxınlaşdırılması üzrə Dünya Assambleyasının əvvəlki baş katibləri olmuşlar.[9] Şəmsi təqvimi ilə 1398‑ci ilin azər ayının 24‑dən etibarən bu vəzifəni Həmid Şəhriyari icra edir.[10]

Fəaliyyətlər və Assambleyaya bağlı mərkəzlər

İslam Məzhəblərinin Yaxınlaşdırılması üzrə Dünya Assambleyası təqrib (yaxınlaşdırma) mövzularında tədris, tədqiqat və informasiya sahələrində fəaliyyət göstərir. Bu fəaliyyətlərə və ona bağlı qurumlara aşağıdakılar daxildir:

  • Beynəlxalq konfranslar və toplantılar: Assambleya dünyanın müxtəlif ölkələrində təqrib mövzulu beynəlxalq konfranslar təşkil edir.[11] Ən mühüm tədbirlərdən biri Beynəlxalq İslam Vəhdəti Konfransıdır ki, hər il 12–17 rəbiül‑əvvəl tarixlərində, Vəhdət Həftəsi ilə eyni zamanda keçirilir. Bu konfransda İran və dünyanın müxtəlif bölgələrindən şiə və sünni alimləri və mütəfəkkirləri iştirak edirlər.[12]
  • İslam Məzhəbləri Beynəlxalq Universiteti: Bu universitet İslam fiqh və hüquq məzhəblərinin müqayisəli şəkildə tədrisi məqsədilə yaradılmışdır.[13] Onun mərkəzi binası Tehranda yerləşir və Zəhedan, Sənəndəc və Bəndərabbas şəhərlərində filialları vardır.
  • Təqrib Araşdırmaları Tədqiqat Mərkəzi: Bu tədqiqat mərkəzi üç araşdırma institutundan ibarətdir: Fiqh və Hüquq Araşdırmaları, Tarix və Rical Araşdırmaları, Quran və Hədis Araşdırmaları[14] Mərkəzin binası Qum şəhərində yerləşir.
  • Nəşriyyat: İslam Məzhəblərinin Yaxınlaşdırılması üzrə Dünya Assambleyası aşağıdakı jurnalları nəşr edir: Risalətut‑Təqrib, Risalətul‑İslam, Səqafətut‑Təqrib, Peyki Təqrib: Əndişeye Təqrib,[15] İslam Məzhəblərinin Yaxınlaşdırılması üzrə Dünya Assambleyasının rəqəmsal kitabxanasında ərəb və fars dillərində 126 adda kitab təqdim olunmuşdur.[16]
  • Təqrib Xəbər Agentliyi: Bu xəbər agentliyi təqrib mövzularına dair İslam dünyasının xəbərlərini fars, ərəb, ingilis, urdu və fransız dillərində yayımlayır.[17]

Əlaqəli məqalələr

İstinadlar

  1. ↑ «درباره مجمع», Taghrib saytı
  2. ↑ «درباره مجمع», Taghrib saytı
  3. ↑ «درباره مجمع», Taghrib saytı
  4. ↑ «۱۵۰ سال تلاش برای تقریب مذاهب اسلامی بین‌الملل», Mobahesat saytı
  5. ↑ «درباره مجمع», Taghrib saytı
  6. ↑ «مجمع تقریب مذاهب بنا به درخواست شیعیان جهان از رهبری، تشکیل شد», İrna saytı
  7. ↑ انتصاب شیخ محمد واعظ زاده به سمت دبیرکلی مجمع تقریب بین مذاهب اسلامی, khamenei.ir saytı
  8. ↑ انتصاب حجت‌الاسلام‌ والمسلمین‌ تسخیری به‌ سمت‌ دبیرکلی مجمع‌ تقریب‌ مذاهب‌ اسلامی, khamenei.ir saytı
  9. ↑ انتصاب حجت‌الاسلام والمسلمین اراکی به سمت دبیرکلی مجمع تقریب مذاهب اسلامی, khamenei.ir saytı
  10. ↑ انتصاب حجت‌الاسلام حمید شهریاری به دبیرکلی مجمع تقریب مذاهب اسلامی, khamenei.ir saytı
  11. ↑ فعالیت‌های معاونت‌های مجمع جهانی تقریب مذاهب اسلامی-معاونت بین‌الملل, Taghrib saytı
  12. ↑ «۱۵۰ سال تلاش برای تقریب مذاهب اسلامی بین‌الملل», Mobahesat saytı
  13. ↑ «دانشگاه مذاهب اسلامی», Taghrib saytı
  14. ↑ «پژوهشگاه مطالعات تقریبی», Taghrib saytı
  15. ↑ «انتشارات مجمع جهانی تقریب», Taghrib saytı
  16. ↑ «مجموعه آثار مجمع جهانی تقریب مذاهب اسلامی», Noorsoft saytı
  17. ↑ «درباره ما», Taghribnews saytı

Ədəbiyyat

Xarici keçid

Mənbə — "https://az.wikishia.net/w/index.php?title=İslam_Məzhəblərinin_Yaxınlaşdırılması_üzrə_Dünya_Assambleyası&oldid=27570"