Məzmuna keç

İmam Xomeyni (r.ə) hüseyniyyəsi (Tehran)

wikishia saytından
İmam Xomeyni (r.ə) hüseyniyyəsi
QurucusuMöhsin Rəfiqdust
MəkanTehran, İran
Digər adlarıBeyti-rəhbəri (Rəhbərlik)
VəziyyətiAktiv
Sahəsi2 min kv
İmkanlarıTəhsil və din təbliği


İmam Xomeyni (r.ə) hüseyniyyəsi (farsca: حسینیه امام خمینی) Tehranın hüseyniyyələrindən biridir və dini mərasimlərin, rəsmi görüşlərin, həmçinin İran İslam Respublikasının Rəhbəri Seyid Əli Xameneinin dərs məclislərinin keçirildiyi yerdir. Bu hüseyniyyənin təsisi şəmsi təqvimi ilə 1368-ci ilə (1989) və Seyid Əli Xameneinin rəhbərliyə seçilməsinə təsadüf edir.

İstifadəsi

İmam Xomeyni (r.ə) hüseyniyyəsi Tehranda yerləşən bir binadır və Ayətullah Xameneinin əksər rəsmi tədbirləri, o cümlədən ümumi və xalqla görüşləri,[1] dini mərasimlər[2] və onun xaric dərsləri burada keçirilir.[3] Bu hüseyniyyədə keçirilən ən məşhur mərasimlər Məhərrəm ayının 7-dən 12-dək keçirilən əzadarlıqlar və Fatimiyyə günləri mərasimləridir. Ramazan ayının əvvəlindən sonuna qədər hər gün zöhr və əsr namazları camaatla qılınır. Bəzi xüsusi günlərdə qılınan camat namazı Ayətullah Xameneinin imamlığı ilə qılınır.[4]

Hüseyniyyənin binası

Şəmsi təqvimi ilə 1368-ci ildə Ayətullah Xameneinin İranın Ali Rəhbəri seçilməsindən sonra, onun təklifi ilə Möhsün Rəfiqdust, Nizam Mafi ailəsinə məxsus olan bir evi satın aldı və həmin ərazidə İmam Xomeyni (r.ə) hüseyniyyəsinin tikintisinə başlandı.[5]

Hüseyniyyə 2000 kvadratmetrlik bir ərazidə layihələndirildi. Möhsün Rəfiqdustun sözlərinə görə, tikinti işləri 61 gün davam edib və bütün xərclər xalqın ianələri ilə təmin olunub. Binanın tamamlanmasından sonra Ayətullah Xameneinin təklifi ilə hüseyniyyə zilu ilə döşənib.[6] Bu hüseyniyyənin ziluları Yəzd şəhərinin istehsalıdır və əl ilə toxunmuşdur.[7] Hüseyniyyənin binası üçsantimetrlik kərpiclərlə bəzədilib, bəzi hissələrdə balkon tikilib və Ayətullah Xameneinin təkidi ilə binanın bəzədilməsində kaşı işlədilməyib.[8]

ABŞ və İsrail tərəfindən hüseyniyyənin bombalanması

İmam Xomeyni adına Hüseyniyyədə Ayətullah Xameneinin dərsi-xarici[9]
Seyid Əli Xameneinin İmam Xomeyni adına Hüseyniyyənin yenidən qurma işləri ilə tanışlıq mərhələsindən şəkil

Əsas məqalə: Ayətullah Xameneinin terror edilməsi

Şəmsi təqvimi ilə 1404-cü ilin isfənd ayının 9-u (28 Fevral 2026) tarixində ABŞ və İsrail İmam Xomeyni (r.ə) hüseyniyyəsi və Beyti-rəhbəri (Rəhbərlik) kompleksini raket hücumları ilə hədəfə aldılar. Bu bombardman nəticəsində bina dağıldı və Ayətullah Xamenei, ailə üzvlərindən bir neçəsi və ofis əməkdaşları şəhid oldular.

Əlaqəli məqalələr

İstinadlar

  1. ↑ «حسینیه امام خمینی(ره) حال و هوای کلاس درس گرفت», İmna xəbər agentliyi
  2. ↑ «آخرین شب مراسم عزاداری حضرت فاطمه‌زهرا سلام‌الله‌علیها در حسینیه امام خمینی(ره)», Khamenei.ir saytı
  3. ↑ «تأسیس حسینیه امام خمینی», Parsa xəbər agentliyi
  4. ↑ «حسینیه امام خمینی», Funzi saytı
  5. ↑ «بیت رهبری چگونه ساخته شد؟/ چرا "آقا" به جماران نرفت؟!», Jahannews saytı
  6. ↑ «رفیق‌دوست: من مثل چماق می‌مانم», Tabnak xəbər agentliyi
  7. ↑ «زیلوهای حسینیه امام‌ خمینی چه کسانی می‌بافند؟», Hawzah saytı
  8. ↑ «رفیق‌دوست: من مثل چماق می‌مانم», Tabnak xəbər agentliyi
  9. ↑ «جلسه درس خارج فقه آیت‌الله خامنه‌ای», Khamenei.ir saytı

Ədəbiyyat

Mənbə — "https://az.wikishia.net/w/index.php?title=İmam_Xomeyni_(r.ə)_hüseyniyyəsi_(Tehran)&oldid=28214"