Dəvh günü

Dəvh günü (ərəbcə: یوم الدوح) Qədir gününün başqa adıdır; O gün, Həzrət Peyğəmbərin (s) Əmirəl-möminin Əlini (ə) xalqa vəlisi və canişini kimi tanıtdığı gündür.

Adlandırma səbəbi

"Dəvh", "dəvhə" sözünün cəm formasıdır ki, möhkəm, budaqlı, yarpaqlı və kölgəli ağac deməkdir. Çünki Həzrət Peyğəmbərin (s) İmam Əlini (ə) canişin təyin etdiyi yerdə (Qədir-Xum) bir neçə belə səhra ağacı (Səmrat) var idi. Günorta vaxtı onların kölgəsi altında namaz qıldılar. "Qədir günü" həm də "Dəvh günü" adlanır; Necə ki, qədim şiə şairi Kumeyt ibn Zeyd Əsədi (hicri 126-cı ildə vəfat edib) Haşimyyat adlı məşhur qəsidəsində belə deyir:

و يَومَ الدَّوحِ دَوحِ غَديرِ خُم‏ *** أبانَ لَهُ الوَلايَةَ لَو اُطيعا Tərcüməsi: "Dəvh günü"ndə "Qədir Xum" dəvhi, vilayəti onun üçün aşkar etdi, əgər ondan itaət ediləydi".

Həmçinin Əmirəlmöminin Əli (ə) "Qədir Xum" bayramına təsadüf edən cümə günlərindən birində söylədiyi xütbədə Qədir gününə "Dəvh günü" ifadəsi ilə işarə etmişdir.

Əlaqəli məqalələr

• Ruhbə günü
  

• Qədir-Xum günü